Menu Close

JESO KE KGOTSO YA RONA

admin
  1. Jo, kgalefo ya Modimo e befile,
    E benya e thetheretsa,
    Jo, lehodimo le tuka ke bohale,
    Jo, sefefo sa ditlepetsa!
    Le tla tshabela kae, baetsadibe,
    Ha ho tshabeha ha kana?
    O, tshabelang ho Jeso ka pele:
    Jeso ke kgotso ya rona.
  2. Inamolohang, le lelale ka tshepo,
    Fefo se se se ya kgutsa;
    Sefapanong, kgohola tsa dithohako
    Di tsholoha, di phuthumetsa
    Baetsadibe, le kgobe matshwafo,
    Bonang Mmoloki wa lona,
    Elang pelo, bohang sefapano:
    Jeso ke kgotso ya rona.
  3. Sefahleho sa Modimo se edile,
    Mme se benya ke lerato,
    Le shwetswe ke Jeso, lona, le phedile.
    Ho lona ha ho sa le tsuo,
    Baetsadibe, thabang, le dumele;
    Ratang Mmoloki wa lona,
    Jeso, Mora Modimo sebele:
    Jeso ke kgotso ya rona.
  4. E, ka nnete Jeso ke kgotso ya rona;
    Taba tsohle di monate;
    Le ka hlaha kgotla ka tshepo le lona,
    Modimo le ka mmitsa Ntate.
    Baetsadibe, bana ba topollo,
    Se lobeng letlotlo lena;
    Tumisang ka hohle ka nyakallo:
    Jeso ke kgotso ya rona.
Tagged ,