- Bonang sefapanong,
Mmoloki wa batho;
Ho re lopolla tahlehong, (bis)
A ineela lefu. (ter) - A shwa ke lerato,
Leo a re ratileng;
A re jarela thohako, (bis)
Re lokollwe dibeng. (ter) - A tsoha boimeng
Ba dibe tsa rona;
Lefu a le utlwa moyeng (bis)
Le tshiu ya lona. (ter) - Dikgororo tsa hae
Ke phopi tsa madi:
Serapeng sa Kgethesemane (bis)
Tsa rothela fatshe. (ter) - Morwa wa Modimo
A tliswa Kgolokgotha;
Ka ho jara sefapano (bis)
A fediswa matla. (ter) - A fehwa sefateng,
A nyaroha hampe,
Ba mo hlaba lehlakoreng (bis)
Ka rumo le lebe. (ter) - Empa ho fedile,
Molao o phethilwe;
Madi jwale a lefile, (bis)
Jehofa o kgotswe. (ter)