Menu Close

HLOLO, HALELUYA, HLOLO

admin
  1. Hlolo, Haleluya, hlolo
    Ya ka mehla le ka mehla!
    Ke tsatsi la matsatsi!
    Haleluya, Haleluya!
    Ha re sa eme Kgolokgotha,
    Re thabeng ya Mehlware
    Moo Morena a nyoloswang
    Lehodimong mahodimong,
    Ho kena kganyeng ya hae;
    Moo a rapellang baena.
    Ke Mong’a mehauhelo,
    Ya buellang setjhaba.
  2. Hlolo, Haleluya, hlolo
    Ya ka mehla le ka mehla,
    Le dintwa di fedile,
    Dihele di-a thothomela!
    Ha re kgumama pela hao
    Mmoho le mangeloi
    E tle e re ha re kena
    Mangeloi a tlerole,
    Dirafime di boke.
    BoElia le boMoshe
    Ba kgumama ka mangole
    Ba bine ba re: Amen.
  3. Hlolo, Haleluya, hlolo
    Ya ka mehla le ka mehla!
    Mmuso ke wa hao, Jeso,
    O neetswe ke Jehofa.
    Lehodimong kganya e teng
    Le poloko e tletseng.
    Ha ho tsuo ho ba jwalo.
    Bohle ba a tshediseha
    Mmoho le ditloholo;
    Le dikete tsa dikete
    Tse re namolelang dintweng
    Re lebella ka thabo.
Tagged , ,