Menu Close

MEAHO YA HAO MORENA

admin
  1. Meaho ya hao Morena
    E ratwa ke balopollwa
    Moya wa ka o-a idibana,
    O sisetsa mabala ntlo,
    Ho ema tempeleng ya hao
    Ka dithoko le dinyakallo.
    Tlholohelo ya dipelo
    Ke wena, Mohalaledi.
  2. Dinonyana tsa mefuta,
    Di fumanelwa dihlaha;
    Le nna ke fumane phomolo
    Dialetareng Moreneng,
    Moo o nketsetsang lehae,
    Wena Morena wa makgotla.
    Ba lehlohonolo ke bao
    Ba ahileng ka tlong ya hao.
  3. Motho o lehlohonolo
    Ya iphumanetseng matla
    A ho nyolohela Sione.
    Ha ba batla ba bolawa
    Ke lenyora nahathoteng,
    Ba bone sediba sa nnete,
    Le pula e ba kwahela,
    E ba tsosetse ho phela.
  4. Ba tla ekeletswa matla
    Ha ba ntse ba atamela;
    Ho fihlela ba itlhahisa
    Pela Modimo Sione.
    Oho, Morena mamela!
    Sekehela mohoo wa ka;
    Utlwa dithapelo tsa ka;
    Sekeha, Morena wa ka!
  5. Modimo, thebe ya rona,
    O tadime motlotsuwa,
    Mo neele thuso le matla.
    Ho dula tsatsi le le leng
    Ka tlong ya hao, ho fetisa
    A sekete, moo o leng siyo.
    Mathuleng a matlo a hao
    Ke ntse ke le molebedi.
  6. Morena ka, ke letsatsi
    Ke letsatsi la lereko
    Le molemo le ha o le mong
    A ke ke a ba hanela
    Ba tsamayang ka ho loka
    Tseleng ya ona
    Ho lehlohonolo motho
    Ya kgomarelang Modimo.
Tagged ,