Skip to content
HO RE TJHABETSE KAJENO
- Ho re tjhabetse kajeno
Letsatsi le molemo;
Re ya kgethela Modimo
Ntlo ena ya thapelo.
Lehlaso
Ho bokwe Modim’wa rona,
O ratang ho pholosa
Baetsadibe kaofela
Ka lentswe la ho phela!
- Ntlo ena ke ya thapelo,
Le ya pina tsa Moya;
Ke ya lentswe la bophelo,
Le rorisang Jehofa.
- A ho tle moetsadibe
Ya iponang bokgopo;
Ho kene le modumedi,
Ya fumaneng tshwarelo!
- Ho kgothatswe ya fokotseng,
Ho tshediswe le ya llang;
Ho tsoswe ya tepeletseng,
Ho tiiswe ya tetemang!
- Tshebetso e tla sebetswa
Tlong ena ka matsatsi,
E rorise Mong a meya,
E phethe thato ya hae!