Menu Close

KE DUMELA HO MODIMO, NTATE

admin
  1. Ke dumela ho Modimo,
    Ntate ya matla ohle,
    Ya bopileng lehodimo,
    Lefatshe le ntho tsohle,
    O sa ntse o di baballa
    Ka letsoho le matla;
    Le nna ke phela ka ona
    O mpaballa ka mehla.
  2. Le ho Keresete ke dumela,
    Mora ona a notshi,
    E leng Morena wa rona,
    Ke yena Mopholosi.
    Ka Moya o Halalelang
    O tswetswe ke Maria.
    Mehleng ya Ponse Pilato
    A utlwiswa bohloko.
  3. A thakgiswa sefapanong,
    A shwa, a patwa bitleng,
    A theohela diheleng,
    Ka letsatsi la boraro
    A tsoha hape bafung,
    A nyolohela kganyeng.
    O tla kgutla ho ahlola
    Ba phelang le ba shweleng.
  4. Ke dumela Moemedi:
    Moya o Halalelang;
    Oo e ntseng e le moruti
    Wa bohle ba dumelang.
    Pelong ya ka o hlahisa
    Ditholwana tsa pako;
    Ka ona ke lakadiswa
    Ho phetha tse molemo.
  5. Ke dumela le Kereke
    E ka hohle lefatsheng,
    E leng Monyaduwa Keresete
    E halaledisitsweng.
    Kopano ya bakgethehi
    Le yona ke tokelo
    Ya bohle, ditho tsa mmele
    Oo Keresete e leng Hlooho.
  6. Ke dumela le tshwarelo
    Ka baka la Mmoloki.
    Le hore ho tla ba tsoho
    Le phetoho ya mmele
    E tla tshwanela ho kena
    Mehahong e sa feleng;
    Moo kopanong le Morena
    Ke tla ya phela kganyeng.
Tagged ,