Skip to content
BOKGABANE BA JEHOFA
- Bokgabane ba Jehofa Modimo
Bo kganya hodima mafatshe ohle;
Le lona bitso la hae, le bokwe
Mafatsheng ohle le ka mawatleng!
- O theile kganya ya hao mahodimong,
Ka melomo ya bana ba anyeswang,
Ho kgutsisa ba lwantshang Modimo,
E, le dira tse ikgohomosang.
- Ha ke lemoha mahodimo a hao,
Le mesebetsi ya matsoho a hao,
Ke boha kgwedi le dinaledi.
Mehlolo ya dibopilwe tsa hao.
- Na motho keng ha o tla mo hopola,
Mora motho ha o mo hlokomela?
O entswe ya tlasana ho wena
Mme o rwesitswe kganya le hlompho.
- Motho o laeleditswe lefatsheng
Mesebetsi ya matsoho a ona.
Tsohle di beilwe maotong a hae,
Ho ruuwa, ho buswa ke yena.