Ke na le Molisa,
Ke tla be ke hloka’ng?
Ke ea ipitsang Jehova,
Modimo o phelang.
O nkisa botaleng,
Lijong tse mphelisang;
O nkalosa linõkaneng,
Metsing a nkholisang.
Ha ke lahlehile,
O nkhutlisetsa hae;
O nkisa tseleng ea ‘nete
Ka le rato la hae.
Leha ke tla feta
Khohlong e lefifi,
Ha nka ke ka tšoha tsela
E chehiloeng lifi.
Ke tšepa Molisa
Ea lisang ka lesoai;
Ke eena ea tla ntšelisa
Ka mohau oa hae.
Lira li ka ntlhoea,
Ke sa ja monono;
Mohope oa khaphatseha;
Ke lutse ka thabo.
U sa tla mpaballa
Ka bophelong bona;
‘Me ke tla hlola kamehla
Ka tlung ea Morena.