Kenang bohle, baka se sa le teng;
Tlong, le memiloe, kenang moketeng.
Kenang, kenang! Baka se sa le teng.
Le phakiseng, tsatsi lea likela;
Le sa le hole, le ka haelloa.
Kenang, kenang! Baka se sa le teng.
Bamemuoa ba subuhlellana,
Ntlo e ea tlala, kenang le lõna.
Kenang, kenang! Baka se sa le teng.
Ba teng bohle,le ba leholimo
Ba u emetse, ngoan’a Molimo.
Kena, kena! Baka se sa le teng.
Ke mokete ka tlung, ke nyakallo;
Na u lulets’ng kantle ka lillo?
Kena, kena! Baka se sa le teng.
Se be lihlong, u se u memiloe,
Kena, phakisa ho e s’o kaoloe.
Kena, kena! Baka se sa le teng.
Mokete oo o etsetsoe uena;
U lebeletsoe, nako ea feta;
Kena, kena! Baka se sa le teng.
O! ngoan’eso, se ke ua lieha,
Kapele-pele! Jo! ho ea koaloa!
Kena, kena! Baka se sa le teng.
Ha ho koetsoe, ‘me u setse kantle,
U kopa u lla: Jo! ho felile;
Ruri, ruri, baka se fetile!