Lona ba ratang ho phela
Mohlapeng wa Jesu,
Hopolang tsietsi tsa tsela
E isang ha eso!
Ke mmila o mosesane,
O hakang mawatla;
Le kgoro e patisane,
E kenwa ka matla.
Nonyana di na le matlo,
Di dula monateng;
Ha ho moo hloho ya Jesu
E ka samelwang teng.
Ba reng , ba mo sala morao,
Ba itele pele,
Ba se ke ba tshaba molao
Othapisang mmele.
Ba inkele sefapano
Mahetleng a bona;
Ba tle ba shwele dikano
Tsee ba leng ho tsona.