Sikuyo indlela yelizwe lobomi,
Ikhaya labantu bahleli ngenyhweba;
Nina ke nahluka kuThixo ngokona,
Nithini? Noya na? Noya na phezulu?
Ndohamba; ndohamba; ndohamba; ndohamba.
Ewe ke, ndohamba ndisiya phezulu.
Usizi, usizi alunakubakho
Kwelo zwe bangcwele abalihambayo.
Bahambi kanzima, nigqitywa bububi,
Nithini? Noya na? Noya na phezulu?
Ndohamba; ndohamba; ndohamba; ndohamba.
Ewe ke, ndohamba ndisiya phezulu.
Hambani, bakhonzi, elo zwe lelethu,
Songqina singqine iinyameko zalo;
Ewe ke, sohamba ngaphezu kwentaba,
Sisele amanzi ovuyo phezulu.
Ndohamba; ndohamba; ndohamba; ndohamba.
Ewe ke, ndohamba ndisiya phezulu.
Nakana ke, moni, asikelahlanga,
Simil’ umzuzwana, simele kwawena;
Yaza ke kuThixo, az’ akusingathe,
Akuse kwangoku, ekusa phezulu.
Ndohamba; ndohamba; ndohamba; ndohamba.
Ewe ke, ndohamba ndisiya phezulu.
Ndicinga ngokuthi usebunzimeni,
Usithi: Ngubani ongalisusayo
Ityal’ elingaka lisentliziweni?
nguYesu kuphela; thandaza ke kuye.
Ndohamba; ndohamba; ndohamba; ndohamba.
Ewe ke, ndohamba ndisiya phezulu.