Lala ho nna

Tshiu tsa ka di feta kapele,
Thabo le kganya ya fatsheng lena,
Tsohle di a senyeha, di timele;
Wena ya sa feteng, lala ho nna!

Ha ke batle tjhadimo ya mahlo,
Ke lakatsa ho ba moratuwa,
Ke tlwaelane le rato la hao;
Se fapohele, tlo, lala ho nna!

Se tle ka botshabeho, Morena,
Tlo ka mosa, tlo ka matshediso;
Tlosa dibe tsee ke llang ka tsona;
Thuso ya ba sitwang, lala ho nna!

Ke o lakatsa ka nako tsohle;
Matla a hao a fenya Satane;
Ha ho motho ya jwale ka wena;
Thabong le bohlokong, lala ho nna!

Ha o le teng, ke tlelwa ke matla,
Le mahlomola ha a sa baba,
Ha ke tshohe lefu le lebitla;
Ke di hlotse, ha o lala ho nna!

Mohla ke orohang, o nkgothatse;
Khanya lefifing, o mpontshe tsela,
Botsho bo se, sedi le ntjhabele;
Lehodimong, o ntse o na le nna!