O, Morati yo a nthatang,
Yo itirang motswalle
Wa pelo e tshepegang,
Ngwanesho ka sebele!
O, Jeso, Jeso waka,
Wena, Morwa Modimo,
Ge o mpona lefela,
O nthata keng gakaalo?
Le ge o le Morena,
O tlhompega gakaalo,
Ge o itlwaetja nna,
O mokaakang mohlolo!
Ee, pela’go Morena,
Dihlong di a ntshwanela;
Ge Wena o bolela,
Tswalo setje le fela.
O Jeso wa lerato,
O ntumelle ka mehla,
Ge go hlaga ledimo,
Ke tshabele go wena.
Mpate ka atla tja’go,
Dimo le be le fete.
Oho sehubeng sa go,
Jeso a ko mpoloke!
Ke na le wena fela,
Ga ke tshepe o sele;
Ke a go kgomarela,
Se befelwe, se ntahle,
Ke moratwana wa go,
Selwana se fokolang:
Oho, se fele leshoko,
Mmoloki ya rategang!