Ke gaugetswe ke Mong wa ka
Ka soko le sa ntshwaneleng,
Gobane ga nka ka mo nyaka;
Ke yena e a nkgogileng.
Ke gona bjalo ke thabang
Ka Jesu e a ntshokelwang.
Tsuo, e thata le go tiwa
Ke tsona tse di ntebaneng;
Eupsa ka na ka hlatswiwa
Ka madi a ntshologetseng.
Me bjalo nka leboga mang?
Ke Jesu e a ntshokelwang.
Modimo, ke a go godisa,
Le lena batho, theeletsang!
Lesoko ke a le tumisa
Lesoko le le mpolokang.
Ke lona le ke le boneng
Go Jesu e a ntshoketsweng.
Ke lona ruo la ka fela;
Go ka nkamoga lona mang?
Lona le nthuta go repela,
Ke le ke le holofelang.
Le mpea pelo tshwenyegong,
Me le mphedisa le lehung.
Mogaugedi, se ntlogele,
Se mphularele mohlomong.
Me ge ke ehwa o ntseele
Go wena kua godimong.
Ke mo ke tla go tumisang
Ka mehla e o ntshokelwang.