Bawo! Ndingumntwana waKho, Noko ndonileyo;
Ndiya lila phambi kwaKho,
Bawo! Ndixolele.
Iziphoso zam zininzi,
Azinakubalwa;
Noko ndibekise kuWe,
Bawo! Ndixolele.
Imithetho ndiyaphule,
Wena ndakudela;
UmSindisi ndimlahlile,
Bawo! Ndixolele.
Ndone ngako ukuthetha,
Ndone nangeengcinga,
Ndone nangemisebenzi,
Bawo! Ndixolele.
Noko ndibe ndifanele
Ukukubulela;
Ndone ngokukulibala,
Bawo! Ndixolele.
Ngaz’ izoono ezininzi,
Bawo, ndizonele;
Wena ndikuhlazisile,
Bawo! Ndixolele.
UnguThixo onenceba
Engazang’ iphele;
Ngako ndiya lila, ndithi,
Bawo! Ndixolele. Amen.