Bonang Sefapanong,
Mmoloki wa batho;
Ho re lopolla tahlehong,
A ineela lefu.
A shwa ke lerato,
Le a re ratileng;
A re jarela thohako,
Re lokollwe dibeng.
A tsoha boimeng
Ba dibe tsa rona;
Lefu a le utlwa moyeng
Le tshiu ya lona.
Dikgororo tsa hae
Ke phophi tsa madi:
Serapeng sa Gethsemane
Tsa rothela fatshe.
Morwa wa Modimo
A tliswa Golgotha;
Ka ho jara sefapano
A fediswa matla.
A fehwa sefateng,
A nyaroha hampe,
Ba mo hlaba lehlakoreng
Ka rumo le lebe.
Empa ho fedile,
Molao o phethilwe;
Madi jwale a lefile,
Jehova o kgotswe.