Menu Close

HO JESO KE BEILE

admin
  1. Ho Jeso ke beile
    Dibe tsa ka tsohle;
    Erekaha a ntjhwetse,
    Thohakong o nntshitse.
    Ke beile melato,
    O ntefetse yona;
    Madi a hae a mphile
    Bosweu ba lehlwa.
  2. Jeso ke mo tshepile
    Bofutsaneng ba ka,
    Tsohle di teng ho yena,
    O nneile tsona.
    O tseba ho phekola
    Le malwetse a ka,
    Matla a hae a ntlatsa
    Mefokolong ya ka.
  3. Ho Jeso ke beile
    Ho hlomoha ha ka,
    Ho belaela hohle,
    Le ho swaba ha ka;
    O tseba ho di jara
    Le ho di fedisa;
    O nkutlwela bohloko,
    O mpha le sebaka.
  4. Nka tshwana jwang le Jeso
    Ka mosa, molemo,
    Ka boikokobetso,
    Lerato, bonolo?
    Ke be ngwana ya kutlo,
    Ya jwalo ka yena,
    Nke ke be le ditulo
    Ho Ntate le yena.
Tagged ,