Menu Close

BINANG THOKO

admin
  1. Binang, thoko e ye hodimo:
    Bakgethwa, tlotlisang yena,
    Ho a le lokela, bakeresete,
    Ho mo binela, dithoko!
    Ha dipesaleme
    Le mantswe a pina
    Di phahamiswe
    Ho lla ha harepa
    Le diletsa tsohle
    Ho tlatselletse!
  2. Binang thoko tse ntjha, tse fihlang,
    Tse tswang tsebong e hlwekileng;
    Medumo ya diterompeta
    Ka tempeleng ho leboha.
    Seo re se abetsweng
    Ke Ntswe la Modimo;
    Pelo di thaba
    Ka matla maholo,
    Ketso tsa Modimo
    Ke tse tjhabileng.
  3. Ha e na bothibo keletso
    Ya Modimo o moholo;
    Ke mang ya ka emang letsatsing
    La diqeto tsa Monghadi?
    Ho lehlohonolo
    Mokgethwa wa Ntate,
    Wa lefa la hae:
    Ya tlotlilweng jwalo
    O na le Morena,
    O na le tsohle.
  4. Bophahamong ba Lehodimo,
    O tadima bana ba hae,
    O tseba pelo, metsamao,
    Ya bopuwa tsa hae tsohle
    Bahlabani bohle
    Ka dibetsa tsohle,
    Ka bokgabane
    Le ha ba le jwalo,
    E le diqhobane,
    Ha ba na thuso.
  5. Ho Modimo ke setshabelo:
    Pelo tsa rona dithaba
    Di halaletswa ka Lebitso,
    Kgalalelong e sa feleng.
    Tshepo ya ka mehla,
    Ntate ya molemo,
    Ka topoloho
    Re shebe ka mosa,
    O re fe mohau
    Ha re o rata.
Tagged ,