Skip to content
BOHARENG BA TSHEPO YA KA
- Bohareng ba tshepo ya ka
Jeso ke poko ya ka.
O re neile lerato
Ka ho theoha marung
Le ho tla phela lefatsheng.
Wa lefa le molato
Oo re sitwang ho o lefa
Ka madi wa o lefa.
- Ditlholo tsa Atama
Wa di bona ka mohau
A ba a rata badibe
Ka kutlwelo bohloko.
Madi le metsi tsa rotha
Ntweng ya hao Kgethesemane
Ho re betlela le tsela
E lebisang phomolong.
- Rato lena le makatsang
Le tuka le ka pelong.
Wa qetwa ke hlolohelo
Ho pholosa modibe:
Wa inehela ho dira
Sefateng sa Kgolokgotha.
Ka ho kgannwa ke lerato
Wa inehela lefu.
- Ka wena re phela ruri,
Wena, tlotlo la rona!
Sefapano se phomotsa
Meya rona ka kgotso.
O wa rona, mme re ba hao,
Mopholosi ya notshi!
Ka melomo le ka pelo
Re o boke: re ba hao!