Dibe di teng, re a di bona,
Dibe di re ja dipelo;
Re lliswa ke dibe tsa rona
Ka bohloko bo boholo.
Dibe di teng ka pelong ya ka,
Ke kgopo-kgopo ka nnete;
Kgale ke tswafile ho baka,
Ke molato ha sekete.
Jesu, o Mmoloki wa rona,
O batla ba lahlehileng;
Dibe tsa ka o ka di bona,
Ke sa bodile ditshileng.
Tlosa dibe, tlosa ditshila,
Moya wa ka o be motle,
Dintho tse mpe ke a di ila,
Ako di lahlele kantle!
Oho, o nthapelle, Morena!
Mohauhedi, o mphedise!
Ya re babaletseng ke wena;
Ke bohloko, o mphodise!