Ditshiu tsa ka di a phalla,
Mme di feta kapele;
Hape, ha di na ho kgutla
Ha di se di fetile.
Lehlaso:
Ledibohong la Jordane
Le nna ke sa ya, ke sa ya fihla;
Ke bonela mose wane
Baheso ba tswa tshela.
Nka swaba keng ho tlohela
Fatshe la matswenyeho?
Ke qetwa ke mokgathala,
Ha ke tsebe phomolo.
Leha ke sa le tlhorisong,
Lefifing le leholo,
Ke lebile lehodimong,
Tjhe, ha ke fele pelo.
O, ke thabile hakaakang!
Ke ntse ke atamela;
Pina tsa hae tse kgahlehang
Di se di utlwahala.
Ke ntse ke tiile, ke lwana,
Ke ntse ke fadimeha.
Ho se ho se hokae le nna
Hae ke ya kgatholoha.