Ha le lakatsa ho tseba
Kamoo ke pholositsweng,
Mamelang ha ke le jwela,
Ke le supisa tsela.
Jesu ke ‘Moloki wa ka.
O nkhethetse bodulo;
Kea mo rata, hob’a nthata,
A ‘neile bophelo.
Ke ne ke shwele melatong,
Ke ne ke hloka tshepo
Ke ne ke mathela lefung
Ke sa tshabe Modimo.
Jesu ke ‘Moloki wa ka.
O nkhethetse bodulo;
Kea mo rata, hob’a nthata,
A ‘neile bophelo
Teng, ka utloa evangedi
E re, Jesu o nchwetse.
Ya e-ba sona sehlare
Se thusang moya wa me.
Jesu ke ‘Moloki wa ka.
O nkhethetse bodulo;
Kea mo rata, hob’a nthata,
A ‘neile bophelo
E, kajeno ke fodile,
Ke ngoana wa Modimo.
Ke dumetse, ke thabile;
Ha ke na pelaelo.
Jesu ke ‘Moloki wa ka.
O nkhethetse bodulo;
Kea mo rata, hob’a nthata,
A ‘neile bophelo