- Ha le mpotsa tshepo ya ka,
Ke tla re, ke Jeso;
Ke lapetse ho mo aka:
Ha hae ke haeso. - Le re, ke boneng ho yena?
Ke bone phomolo;
Thabo eo e leng ho Morena
Ha e na phetoho. - Ka na ka nyorelwa botle,
Ka tswatswa ke batla,
Ka tsielwa ke ntho tsohle,
Ka fellwa ke matla. - Athe Jeso o n’a mpona
Ha ke lela jwalo;
A mpitsa a re: Tlo ho nna,
O fole matswalo. - Jwale ke kgotshe ka mehla
Mohau wa Modimo;
Ke qadile ho iketla
Tshepong ya hodimo.