Hay’ uthando lukaYesu,
UMsindisi;
Lundlul’ uthando lwabantu,
Lulukhulu.
Uthand’ abangamthandiyo,
Ufun’ abangamfuniyo,
Ufuman’ abafileyo;
Unenceba.
OlukaYesu uthando
Sisimanga;
Luthotyelwe phezu komntu,
Asindiswe.
Loluvusa ekufeni,
Luze luse ezulwini,
Lufikise ebomini,
kuYehova.
Musani ukuludela
Olu thando;
Luphakame njengezulu,
Lulukhulu.
Lolunqabileyo mphela,
Lungenakulinganiswa;
Luthando lwakhe uMthandwa
kaYehova.
Nal’ uthando lukaYesu
Olululo,
Kukungakoyik’ ukufa
Ngalo lona.
Khawulezani ke nonke,
Nilwamkele olu thando.
Lulo kuphela kolukho
Olululo.