- Hlooho e tletseng madi
A mofapahlooho;
O rwesitswe meutlwa,
Wa utlwa bohloko.
Jo, mahlomola ruri!
Jeso, Moreshwedi,
O jarile thohako
Ka baka la rona. - O, fahleho se setle,
Se ratehang ruri;
Ba o tshwetse ka mathe,
Wa senngwa, wa songwa.
O, kganya e phatsimang
Ya borena ba hao,
E fetotswe sesomo
Ke diketso tsa ka. - Morena wa ka, ke nna
Ya o hlorisitseng;
Mme ke ka baka la ka
Ha o le maqeba.
Nkgauhele ka mehla,
Nna ya madimabe –
Oho, nteballe, Jeso,
Ha ke o sitetswe. - Ha ho fihla letsatsi
La ka la bofelo,
Ke se ke tla timela,
Ha lefu le fihla:
Jeso, o se ntlohele,
O be le nna jwalo;
Ha le tswalo le nkgama,
Ntate, o nkgopole. - Jeso, Morena wa ka,
Oho, nkgauhele!
Ha ke sitetswe wena,
Nkutlwele bohloko.
O, sefapanong sa hao,
Ha ke tadima teng,
Nke ke fumane kgotso
Ka mehla le mehla.