Menu Close

JEHOFA, MORENA RONA

admin
  1. Jehofa, Morena rona,
    Re ntse re phela ka wena;
    Ka mengwaha le mengwaha
    O setshabelo sa rona.
  2. Dithaba di eso tswalwe,
    Lefatshe le eso botjwe,
    Esale o le Modimo,
    O sa balwe le dilemo.
  3. Batho bohle ke lerole,
    Ho wena eka dithole;
    Ha o re ho bona: Kgutlang!
    Eba batho ba fela hang.
  4. Ba jwalo ka matlakala
    A kukwang ke dikgohola;
    Ba feta jwalo ka toro
    E ikelang le bosiu.
  5. Ba tshwana le jwang hosasa,
    Bo phakisang ho palesa;
    Mantsiboya ha bo helwa,
    Bo phakisa ho omella.
  6. Bohale ba hao bo tukang
    Ke bona bo re fedisang;
    Dibe tsa rona, Morena,
    Di bitsa kotlo ya rona.
  7. O di bea pepeneneng
    O di hlahisa leseding,
    Di bonwe tsohle ke wena,
    Le tse patilweng ke rona.
  8. Tshiu tsa rona di ile,
    Le dilemo di fedile;
    Lemo tseo re di balletsweng
    Di mashome a supileng.
  9. Oho, re rute, Morena,
    Ho bala tshiu tsa rona,
    Tse kgutshwanyane, tse felang;
    E be moo re hlalefiswang.
Tagged ,