- Bonang, suna, o fihlile,
Jeso, ngaka ya batho!
O lerato, o sebete,
Bonang, ke yena Jeso!
Lehlaso
O, bitso le ratehang!
Ke le letle ha kaakang,
Ha le binwa ke batho,
Lebitso la Jeso! - Utlwang, lona ba swabileng,
Le kgathetseng dipelo:
Ya ka le tshedisang o teng,
E sa le yena Jeso. - Le dibe tse ntsho, tse ngata,
Tse le bakelang lefu,
O di hlakotse kaofela;
O, dumelang ho Jeso! - O, le lehlohonolo jwang!
Le hopotswe kajeno;
O fihlile ya le ratang;
Bonang, ke yena Jeso! - Le mo fapheng ka dithoko,
Mo buleleng dipelo;
Mo amoheleng ka thabo,
Yena Morena Jeso! - Bitso la hae le nkgapile,
Le ntlhomodisa pelo;
Jwale le ka mehla yohle
Ke tla bina la Jeso.