- Jeso o tsohile bafung,
O tswile lebitleng:
Thabo e teng diphuthehong,
Thabo e sa feleng. - Jeso o tsohile bafung,
Phokolang hosanna!
Dinatla di bina marung
Thoko tsa Konyana. - Jeso o tsohile bafung,
Re na le poloko;
O kgutletse lehodimong
Ho bula monyako. - Jeso o tsohile bafung,
Lefu le hatilwe;
Matla a tswang sefapanong
A hlakola dibe. - Jeso o tsohile bafung,
O sa tla re tsosa;
Tsatsi leo a hlahang marung
O tla re pholosa. - Jeso o tsohile bafung,
O re biletsa hae;
Re ikele kgatholohong
Le letlotlong la hae.