Jesu, motswalle ya nkileng
Melato le makgopo,
Nna, mohloki, ke sitwa keng
Ho o rapela tsohle?
Ke ntse ke itima Kgotso,
Ke tlala pelaelo,
Ha ke sa ise ditaba
Ho wena ka thapelo.
Ditsietsing, mahlomoleng,
Ha ke imelwa hampe,
Nna, motswafi, ke sitwa keng
Ho tshepa pallo tsa hao?
Ha ke na e mong lefatsheng
Ya nkutlwelang bohloko,
Ya ka ntokollang boimeng,
Ha e se wena Jesu.
Dintweng tse thata tsa dibe,
Ha sera se ya le nna,
Nna, mohlolwa, ke sitwa keng
Ho ipea ho wena?
Nthute ka matsatsi ohle
Ho belaela ka nna,
Ke rapele ke tshepile
Kutlo ya hao le matla.