Menu Close

KAJENO HO NTJHABETSE

admin
  1. Kajeno, ho ntjhabetse
    Letsatsi le letle;
    Kgale ke le lebeletse,
    Jwale le hlahile.
    O nkamohele, Morena,
    Le lona, phutheho;
    Ke tlilo kena ho lona,
    Ke kopa ditulo.
  2. O nnile wa mpaballa
    Botjheng bohle ba ka,
    Ho fihlela tsatsi lena
    Ke phelang ka lona;
    Ho nna e ntse le mohlolo:
    O bone eng ho nna,
    Ha ke newa lehlohonolo
    La ho ema mona?
  3. Ha ke ema, Morena,
    Ho bolela tsa hao,
    Ke re, o nolo, o mosa,
    O na le lereko;
    Pelo ya hao e mohau,
    Hape e telele;
    Ruri, ha o rate lefu
    La baetsadibe.
  4. O ntatile timelong
    Moo ke neng ke shwele
    Dibeng tsohle le melatong,
    Matleng a dihele.
    Kajeno o ntshokolotse,
    O ntshwaretse dibe,
    O bile o ntjhafaditse
    Ka Moya wa nnete.
  5. Ke a itlama, Morena,
    Nna, ngwana hao jwale;
    Ke wa ntlo ya hao kajeno,
    Ke yena ka nnete;
    Ke be yena ka ho rata
    Ditaelo tsa hao,
    Ke be yena ka ho etsa
    Mosebetsi wa hao.
Tagged ,