Ke fumane bofihla
Bo siyo lefatsheng;
Ke thabo ya kamehla
Kgotso e sa feteng.
Leha dillo di le teng,
Le dipelaelo,
Ke motho ya thabileng
Ke sa na le Kgotso.
Lehlaso:
Ke thabo feela (bis)
Ka pelong ya ka,
Ke thabo feela.
Leha ke la maswabing,
Ha ke le bodutu,
Ha ke ya lahlehileng,
Ke sa na le Jesu.
Ke yena ya ntshedisang
Ka rato la nnete;
Ke yena ya mpuisang
Hamonate-nate.
E, ketsebile Mara,
Sebida se babang;
Ka tliswa teng, ka nweswa
Hangata hakaakang!
Ha ke seka meokgo,
Ke nwa ka bohloko,
Ka tutubollwa mahlo,
Ka fumana Jesu.
Hang metsi a phekolwa,
Mme a ba monate,
Ha ka nweswa ke yena
Morena ka, Ntate.
Ka itlhakola dillo,
Ke dihlong ho bua.
Ka mo aka letsoho,
Fuba sa phatloha.
Jesu hase le botle!
Ha ke le ho wena,
Moriting o phodileng.
Ke a kgatholoha.
Didibeng tsa lerato,
Tse kollang kamehla,
Ke ikgella nyakallo,
Le Kgotso le matla.