Menu Close

LEMOHANG RATO LA JESO

admin
  1. Lemohang rato la Jeso,
    O molemo,
    Le feta rato la batho,
    O lereko.
    A rata ba sa mo rateng,
    A batla ba sa mo batleng,
    A fumana ba timetseng:
    O mohau.
  2. Ithuteng rato la Jeso,
    Le mohlolo,
    Le theohelang ho motho
    A le soto.
    Ke le mo nyollang timelong,
    Le mo isa lehodimong,
    Ho mo fihlisa bophelong
    Ho Modimo.
  3. Se kgeseng rato la Jeso
    Le leholo,
    Ke le phahameng jwalo ka
    Lehodimo;
    Ka nnete ke la bohlokwa,
    Ke le se nang ho lekanngwa,
    La ya bitswang Moratuwa
    Wa Modimo.
  4. Ke leo rato la Jeso
    La sebele;
    Ya tshabang tshiu ya lefu
    A le kuke.
    Phakisang, itlhahaneleng,
    Phallang, le le titimeleng;
    Le lekane, ha ho le leng,
    Ke la bohle.
Tagged ,