Menu Close

LETSATSI LA HAO, MORENA

admin
  1. Letsatsi la hao, Morena,
    Le ntse le atamela;
    Le leholo, le a tshabeha,
    La ho tla nka borena.
    O itse, o tla lekisa
    Shodu la bosiu;
    Ke yona nako ya hao ya ho tla,
    E sa tsejweng ke motho.
    Lehlaso
    Raohang, bakeresete, le lebelle Morena;
    Matheka a lona a tlangwe,
    Mabone ona a tuke, a kganye;
    Le emise dihlooho tsa lona,
    Le lelalle hodimo, hodimo.
    Topollo ya lona ke ena:
    Nyakallang, lebohang!
    E phethehile ntwa ya lona.
    Haleluya!
  2. Ikgetheng ho ba ditshila,
    Le tsweng ka hara bona;
    Baballang aparo tsa lona,
    Di hloke le letheba.
    Tshabang, esere mohlomong
    Tsatsi la tlokotsi
    La le wela le sa le borokong,
    Dibe di le imetse.
  3. Rapelang, le fadimehe,
    Bosiu, motshehare!
    Morena o tla hlaha marung,
    Ho lata ba dumetseng,
    Le ho ahlola lefatshe,
    Le bodibe bohle.
    Balopollwa bohle ba tla thaba,
    Ha ba bona Morena!
Tagged , ,