- O kgethelwe tsatsi lena,
E leng la phomolo;
Ke tsatsi la hao, Morena,
La lehlohonolo. - Oho, nthuse ho mamela
Lentswe la bophelo,
O nthute le ho rapela
Ka tlong ya thapelo! - O mpale, Morena Jeso,
Le ba o kgahlisang,
Ke newe le bana beso
Dijo tse phedisang! - Taba tsa hao di hatiswe
Dipelong tsa rona;
Rato la hao le hodiswe
Le tuke ho tsona! - Modimo, re bana ba hao,
Re rutwe ke wena
Tabeng tsohle tsa mohau,
Tseleng ya Morena!