- Mamelang mangeloi
A rorisa Morena:
Kgotso e be lefatsheng
Modimo o ho batho.
Bohle ba pholositsweng
Ba rorise Modimo.
Binang le mangeloi
Pina ya Betlelehema.
Mamelang, mangeloi
A binela Morena. - Bohle ba hlomphe Keresete,
Modimo o sa feleng.
Ke thatong ya Modimo
A hlahileng ka botho,
Mme a ikokobetsa.
Lentswe la etswa nama,
A ballwa hara batho,
Jeso Emanuele.
Mamelang, mangeloi
A binela Morena. - Ke Morena wa kgotso,
O re abela toka,
Lesedi le bophelo.
Tsohong la hae re a fola.
O ikokobeditse
Ho re ntsha hara lefu,
E, ngwana wa Atama
Ke wa Modimo hape.
Mamelang, mangeloi
A binela Morena. - Satane o tla fediswa
Le ona mmuso wa hae;
Meya e ke e pholoswe
Ditsietsing tse thata.
Bohle ba pholositsweng
Ba rorise Modimo.
Bina le mangeloi
Pina ya Betlelehema.
Mamelang, mangeloi
A binela Morena.