Menu Close

MODIMO, BULA DIPELO!

admin
  1. Modimo, bula dipelo,
    O re rekolohele.
    Re hopola mahlomola,
    Le lerato la Jeso.
    Ke mohlolo o makatsang
    Oo o bonwang ke ba fetang
    Fapanong sa Kgolokgotha.
    Lerato le phethehileng,
    Le esong ho utlwisiswe,
    Le bokwe le ka mehla!
  2. Mo tadime Kgethesemane,
    Bohlokong bo boholo.
    Ka moo a neng a le ka teng
    Botshabehong ba lefu.
    Enere ha barutuwa
    Ba robala, a phaphame,
    A tshwerwe ke matswalo.
    “Ntate, ke a o rapela
    Tlosa ho nna, nwelo sena.”
    Utlwang sello sa Motho!
  3. O Konyana ya Modimo,
    E tshepisitsweng batho.
    E phethileng tsa hodimo.
    Ka ho jara thohako.
    Yena ya se nang melato,
    Le ya jereng sefapano,
    Konyana ya Modimo.
    O nehetswe ho thakgiswa
    Sefapanong sa Kgolokgotha,
    Tshepo ya Iseraele.
  4. Lefu la hao la phekolo,
    Ke tshediso e kgolo.
    Seo se phethilwe Kgolokgotha,
    Se re neha bophelo.
    Lefu le re tloseditse
    Ditlolo le mahlomola,
    Be tsohle le thohako.
    Lefu la hao le a ntiisa,
    Bophelong kapa ha ke shwa,
    Ke kgothatso ya nnete.
Tagged , ,