Modimo o moholo ka Lehodimong:
Wena ka sebele o thebe ya nnete,
Wena ka sebele lefika la nnete,
Wena ka sebele sefate sa nnete,
Wena ka sebele o kganya ya nnete;
Wena Mmopi wa bophelo le wa maru
Mmopi wa Lehodimo, mobu le meru,
Mohlodi wa dinaledi, selemela,
Ya dikela naledi ho re laela
Motswadi wa difofu e seng ka boomo.
Ya letswa terompeta ho re bitsa.
Mmoloki le motsomi wa meya yohle,
Mokopanya ba hananang ka lehloyo
Moetellapele ya re isang hae:
Wena kobo ya rona ya ho aparwa,
Wena o matsoho a maqebaqeba,
Wena o maoto a maqebaqeba:
Wena madi a tsholotsweng sefapanong,
Madi a matle a tsholletsweng rona Na
re tla reng ka letlotlo le le kaalo?