Ndakuwubon’ umnqamlezo,
Ekwaxhonyw’ eyam iNkosi;
Ndoncama yonk’ inzuzo yam,
Ndilindele nekratshi lam.
Mandingaqhayisi, Nkosi,
Kungengawo umnqamlezo.
Yonke imihlal’ ekhoyo,
Nduyincama ngenxa yakho.
Khawubone lowo mzimba,
Apho kwampompoz’ igazi.
Wakha walubon’ uthando
Luxubene kwanosizi?
Zonk’ iindyebo endinazo
Andingenikeli ngazo;
Mandizenze mna idini,
Ndixabise olo thando.
Ewe, ewe, Msindisi wam,
Ndithembe igazi lakho;
Ewe, ewe, Mfeli wethu,
Nguwe usindiso lwethu!