Ntate, lerato la hao le lekaakang!
Le ntshithabetsa kutlo, ke le ntlhollang;
Le tletse pelo, le kgaphatsehile,
Leme la ka le mpa le rarehile.
Ke mang ya ka bolelang
Lerato le hlollang,
Rato la Modimo
Le bolokang.
Ha ke eme ka ho tsota mawatle,
Madibadiba a teng a bilohang,
Tate, lerato la hao le hosele,
Bodiba bo hase bo ka lekangwang.
Ke mang ya ka bolelang
Lerato le hlollang,
Rato la Modimo
Le bolokang.
Ke lelala ke boha lehodimo,
Ho phatlalla, ho phahama halona;
Se mpang se ntimeletsa mehopolo
E ntse le lerato la hao, Morena.
Ke mang ya ka bolelang
Lerato le hlollang,
Rato la Modimo
Le bolokang.
E, le ikgurumetseng difahleho,
Lona ba lehodimong, bakgethehi,
Ha le sa hlwedisa kwetsa ya lerato
Le sa tsejweng botebo le moedi.
Ke mang ya ka bolelang
Lerato le hlollang,
Rato la Modimo
Le bolokang.
Binang lerato la hae le mohlolo:
E, Modimo o ratile modibe,
Mme modibe ya ratilweng hakalo
Ke nna, e, ke nna ka sebelebele.
Ke mang ya ka bolelang
Lerato le hlollang,
Rato la Modimo
Le bolokang.