O, mohau wa Modimo
Ke kwetsa e kaakang!
E ka ba ofe molomo
O ka o bolelang?
Nna, esale o mphihlela,
Ke maketse feela!
Modimo o no mphumane
Tseleng ya tahleho;
Tsa lefatshe di ntahile,
Ke fedile kutlo;
Ke pheella, ke kathela
Bosawana feela.
Ke buswa ke ditakatso
Tse jang pelo ya ka;
Di mpofile, ke le mofo,
Ke hola le tsona.
Ke ne ke se na ho hana,
Leha di mpolaya.
Jo, motho ya thotofetseng,
Ya shweleng le mahlo,
Ka mathela boreleding,
Dinthsing tsa selomo!
Jo nna, ke ne ke mo soma
Ya reng, o a ntemosa!
Ke ha Jesu a mphallela
Ka mohau wa hae;
Hoja o ntlohetse feela,
Na nka be ke le kae?
A phakisa a ntlhwibila,
A ntshwara, ka phela.