Re tlele ka lesoko,
Morena, e o leng
Sediba sa poloko
Se re se botileng.
Dudisa ebangedi
Go rena ba sitwang
Go bitswa badumedi,
Mo re e hlokiswang.
Morena, o seedi
Se se phethegileng.
Romela mahlasedi
A gago kerekeng.
Ke wena Ramasoto
A ‘na re a hlokang.
Se re hlokise thoto
Tse re di kgopelang.
O sebo se sethata,
Mo re sireletswang
Bonaba le masata
A fase le le lwang.
O tla re botegela
Go isa bofelong.
O tla re hlabanela,
Wa re ntsha tlhabanong.