Tlang le rutwe ke Morena!
Tlang hle, me le e ithuteng,
Gore le tumise yena
E a le pholositseng.
Le dumela mo pelong,
Me le thakge tshepelong;
Tse mpe tsohle le di lahle,
Gore le tle le mo kgahle.
Go lehlogonolo bohle
Ba ba humanegileng.
Me ba hloka dilo tsohle
Tse di humisang moyeng,
Ba tlo thaba gakakang!
Ruri mmuso wo o tlang
Wa Modimo ke wa bona;
Ba tlo huma mo go wona.
Go lehlogonolo batho
Ba ba nyamileng miyeng,
Ba ba iponang molato,
Ba itshola mo dibeng.
Ke ba ba sokologang
Medirong e ba forang.
Bona bao ba a botswa:
Ba ba llang ba tlo homotswa.
Go lehlogonolo bona
Ba boleta kgopokong.
Tse ba tlaiswang ke tsona
Ba di rwala bonolong
Ba ba sa itefetseng,
Ba itota mo go lweng,
Bao ba ba beng ba rogwa
Ba tlo ja lefase bohwa.
Go tlo hlogonolofala,
Me go sego neng le neng
Bohle ba ba nang le tlala
Ya go loka mo moyeng.
E leng ba ba nyoretsweng
Tokafatso Moreneng
Bona-ba ba tlo khutsiswa.
A ba tleng! Ba tlo horiswa.
Go lehlogonolo gape
Bohle ba gaugelang,
Ba thusang ka go se lape
Bana babo ba hlakang.
Tate wa magodimong
Ba mo etsa mo pelong.
Bona ba tlo gaugelwa,
Jesu o tlo ba sokelwa.
Go lehlogonolo bohle
Ba ba sekileng pelong,
Me ba hloya bobe bjohle
Polelong le modirong.
Ba ba sa lapeng tseleng
Go ikgethwa mo moyeng,
Ba tko bona kwa godimo
Sefahlogo sa Modimo.
Go lehlogonolo bao
Ba ba hloileng dikgang,
Ba itapisetsa fao
Go agisa ba ba lwang,
Ba tlo bitswa mo faseng
Barwa ba rategileng
Ba Modimo, ba tlo iswa
Bokhutsong ka go thabiswa.
Go lehlogonolo batho
Ba ba hloileng faseng,
Ba tlaisetswang lerato
E le ba ba lokileng;
Ba hwelang tumelo fa
Ba tlo rweswa kgare kwa.
Mmuso wola ke wa bona,
Ba tli tagafatswa gona.
Jesu, a ko nthuse fao
Ke sa phela mo faseng;
Me mahlogonolo ao
E be a a ntebaneng.
A ke hume mo moyeng,
Ke homotswe manyaming.
A boleta bo nkgahlise
Me go loka go nkgabise.
O mphe moya wa lerato,
Ke be e a sekegang,
Me ke boelanye batho,
Ke agise ba ba lwang.
Le mo ke tlaisegang
Ke be e a botegang.
O ntiise go direla
Le go kgahla wena fela.