Menu Close

TLO SEFAPANONG!

admin
  1. Moya o tletseng tshabo,
    Tlo sefapanong!
    Ka mahlomola a hao
    Tlo sefapanong!
    Ipolele mathata,
    Jeso o tla a pata,
    Bohle o a ba rata –
    Tlo sefapanong!
  2. Se ka dieha, ema,
    Tlo sefapanong!
    Molahlehi ya batlang,
    Tlo sefapanong!
    O tsamaelang hole,
    Mokwenehi, sehole?
    Tlisa pelo e fole –
    Tlo sefapanong!
  3. Tlo kajeno, phakisa:
    Tlo sefapanong!
    O emetswe ke Jeso,
    Tlo sefapanong!
    Ke yena ya re nehang
    Phelo bo halalelang,
    Kganya le tse ratehang –
    Tlo sefapanong!
  4. Phahamisa teboho,
    Tlo sefapanong!
    Tsela re e buletswe,
    Tlo sefapanong!
    O fana ka lerato
    Le ho ba se nang thato;
    O tshwarela melato –
    Tlo sefapanong!
Tagged ,