Utlwa sefefo sa mowa
Le go duma ga sona,
Tsoga, tloga re timela
Re pholose Morena.
Dilelo ga di mo tsose
O sa ntse a robetse
Mme mokoro o a nwela
Jesu, utlwa thapelo!
Poelelo:
A kgalemela lewatle:
Kgaotsa tlhe! Kgaotsa tlhe!
Sefefo sa ba sa bepa:
Kgothalang! Kgothalang!
Morena, metsi a maatla
Ke moleko, a duma
A tsosa le pelo ya me
Mo nwela mo go ona.
Mo matlhomoleng a kalo
Ke tla biletsa go mang?
Ke a go bitsa Morena,
Thuso ya ba lelang.
Ahe, maru a apoga
Letsatsi le tlhabile,
Mme pelo ya me e bone
Pholoso ya Morena!
Ke nnela bophelo jwa me
Matsogong aago Jesu,
O mphelegetse ka metlha
Le ka tsatsi la leso.